Naturen og kulturlandskapet har alltid representert den største tiltrekningskrafta i dette området. Desse faktorane trollbind enno dei besøkande. Sjølv vi som bur her til dagleg må av og til måpe over dei utruleg vakre naturscene vi blir vitne til i kvardagen med skiftande vêr og lysforhold og spektakulære utsikter. Ja, vårt fjordlandskap er så spesielt at UNESCO har gitt det ein plass på si ærverdige liste over verdas naturarv.
Dette gjer at du blir fort glad i dette området som inneheld nokre av dei største attraksjonane i landet, som Geirangerfjorden og Trollstigen. Men mange vil oppleve heile området som ein samanhengande attraksjon, der inntrykka skiftar rundt neste sving eller rundt neste nes.
