Norsk Fjordsenter

Address:

Stiftinga Geirangerfjorden Verdsarv, 6216 Geiranger

Phone:

70 26 38 10

Fax:

70 26 51 22

WWW

Area:

Geiranger

Norsk Fjordsenter er frå og med 16. april 2010 eit heilårsopent senter!

INTERAKTIVE UTSTILLINGAR - AKTIVITETAR - OPPLÆRING - KUNSTINSTALLASJONAR - BOKHANDEL - LOKALT HANDVERKSUTSAL - KAFÉ

Norsk Fjordsenter vil lære deg meir om verdsarven si natur- og kulturhistorie, og arbeider i tråd med UNESCO for å utvikle kunnskap og kompetanse for å verne om og ta vare på Vestnorsk Fjordlandskap.

Geirangerfjorden - eit verdsarvområde
Kvifor er fjella så høge og fjorden så djup? Korleis klarte folk seg vinteren gjennom på ei einsam fjellhylle? Kva blomster kan berre trivast i urdene under dei rasfarlege fjella?

Undringa er stor og spørsmåla mange når ein vitjar den særeigne naturen og kulturen
langs fjordane våre. På Norsk Fjordsenter freistar vi å svare på desse spørsmåla og
mange, mange fleire.

Norsk Fjordsenter - ei oppleving for store og små
Vi følgjer Unescos verdsarvkonvensjon i arbeidet med å ta vare på og syne fram kulturen og naturen i området. Gjennom multimedia-utstillingar og idérike presentasjonar formidlar vi historia og dei små og store prosessane i naturen. Vi tilbyr også skreddarsydde opplegg for grupper. Kontakt oss, så lagar vi ei innhaldsrik oppleving for deg.